Words...just words

Wednesday, August 13, 2008




نظرة

فحلم

فابتسامة

فترقب

ثم انتظار

يعقبه لقاء

فاشتياق

فلهفة

ثم حضن

يعقبه قبلة

فقلب كبير

ممتلىء بالحب




Labels:

posted by safa7_karmooz at 5:31 PM 43 comments

Thursday, July 17, 2008

still in my HEART


هى بجوارى...وانا بجانبها كالعادة...اذن فلم نفترق كما اشاعوا ....

انظر الى عيناها...مازالت كما هى...صامتة...وتبتسم تلك الابتسامة الغامضة

انظر اليها لكى اتأكد...نعم مازالت بجوارى...وانا ايضا بجانبها...فكيف تركتنى اذن؟!!

تذهب عيناى صدفة لتلقى نظرة على وجهها الملائكى ...اود ان اضيف ان القمر يغار منها ..ولكن لا بأس هذه المرة ...

ارفعهم على نظراتها الى ...تجمع ما بين الحب...والتطلع للمستقبل...ام انها ثقة بداخلهم اننا سويا دائما ...

اعود وانظر اليها...نعم ...مازالت صورتها بجوارى...وانا اجلس بجوارها كعادتى...واتطلع اليها ..

فأمسك هاتفى...واصابعى تطلب رقمها....تفرح اذنى لسماع صوتها...فيتحرك لسانى ويأمر عقلى ...لكى يقول قلبى...بحبك

Labels:

posted by safa7_karmooz at 11:40 AM 14 comments

Sunday, June 15, 2008

هملى بيك ايامى ..

هملى بيك ايامى ..ولا شىء هيبعدنى عنك

عرفت معاك احلامى ..و مكانى جوة حضنك

هتكون معاك احلامى ..مانت حته منى

و هتكون معاى احلامك..ماانا حته منك

دنيتى حلوة بعيونك ..ولما اكون انا جنبك

شفت كتير و كتير ..وعمرى ما هلاقى زى حبك

وشفت قلوب كتير .. و عمرى ما هلاقى قلب زى قلبك

طيب حنين ..ادوب انا فيه و يدوبنى بحبك

يخاف على من نسمه ..تعدى على خدى وعلى خدك

بنفسى اختارت انا حبك . و بقلبى حفرت انا اسمك

النهارده و بكرة انت .. وبعدوا برضوا منك

و هخبى حبى ليه انا تانى ..ما خلاص مقدرش اعيش من بعدك

و المراى هقولها بصوت عالى .. بحبك ..بحبك ..بحبك
posted by catroz at 1:03 AM 21 comments

Sunday, June 1, 2008

وجهان لعملة واحده

هو: انا اسف يا حبيبتى..مكنتش اقصد انى اجرحك
هى: انتى جرحتنى خلاص ...واللى كان كان
هو: يابنتى انا كلمتها بس ...موقفتش معاها اكتر من 10 دقايق
هى: وانت بتستعبط...وكمان كان ناقص تاخد رقمها وتقابلها يوم تانى
هو: يا حبى ما فيش غيرك فى القلب...وتعالى نفتح صفحة جديدة
هى: هسامحك المرة دى بس
وبداخلها هناك شعور قوى انه سيكررها مجددا...نعم فهى لم تعد تثق فيه مجددا...فأصبحت شديدة الغيرة...حساسة لاقل شىء يحدث
*************************************
هى: انا عارفه انى غلط فيك كتير...وجرحتك كتير...وانت صبرت عليا اوى
هو: صمت تاام
هى: (ودموعها تبدأ فى النزول) ايوة انا بعترفلك اهوة ...وعارفه ان كلمة اسفه قليلة ومش هتزيح اللى حصل ...بس ااقدر اقولك انه مش هيتكرر تانى
هو: دى مش اول مرة تعمليها ...دى تانى او تالت مرة
هى: معلش انا عارفه انى غلطانة...بس انت هتسامحنى صح؟؟
هو: يصمت مجددا
هى: يعنى الجواب باين من عنوانه...مش هنكمل ...هتسيبنى كده بكل بساطة
هو: حطى نفسك مكانى...وتخيلى انى انا اللى غلطت ...كنتى هتعملى ايه ؟!
هى: (وهى تحاول ان تكذب نفسها) كنت هعمل اكتر من اللى عملته ...كان رد فعلى هيبقى قاسى عشان مبحبش الخيانه
هو: (ويلملم اشياءه ) اذن الاجابة بين ايدك مش ذنبى انا ...ده ذنبك
هى: (مكسورة واقنعت نفسها انها ظلمها) طيب ...امشى..سلام
هو: الله يسلمك
...ويسير مبتعدا عنها

Labels:

posted by safa7_karmooz at 6:11 AM 8 comments

Wednesday, May 7, 2008

موجة ماء

موجة ماء...

تداعبها الرياح

وتتناقلها المياه

موجة ماء

بداخلها الاسماك

وترفع قارب الانسان

موجة ماء

يداعبها القمر بلونه الفضى

ويرسل خيوطه البيضاء

موجة ماء

تحملنى الى حيث اشاء

فأكتب لحبيبتى اعذب الكلمات

موجة ماء

تمشى وحيدة

فى بحر كلماته صماء

موجة ماء

تحتفظ بالسر

ولا تتركه مهما جاء

موجة ما

حاملة ورقاتى

الى مكان ناء

ليس به موجة ...مثل موجة ماء
posted by safa7_karmooz at 8:26 AM 13 comments

Tuesday, April 15, 2008

بلا موعد

تنظر الى الساعه باستمرار ...وتنظر الى الباب منتظرة ان تجده خارج منه متجها اليها...ولكنها لا تجده...تنتظر بلهفة ان يأتى وينتشلها من تلك الوحدة المجهولة التى تعانيها...ولكنه لا يأتى.....مر من الوقت الكثير....ولم يتبق على نفاذ صبرها الا القليل ...جلست على تلك الصخرة...ومازال نظرها معلقا بهذا الباب ...مر من حولها العديد الناس...ولكنه لم يأتى...نظرت الى ساعتها مجددا ...ووجدت ان الوقت قد حان للمغادرة...فوقفت...ونظرت مرة اخرى الى خلفها ...لعله يخيب ظنها ويأتى ...ولكن للاسف لم يفعل ...فرحلت

تجلس فى منزلها...هاتفها يرن للمرة المائة بعد الالف...نفس المتصل...انه هو...بدون ان تنظر الى شاشة هاتفها...انه هو....ولكنها ترفض ان تذهب حتى لكى تغلق فى وجهه الخط...تتركه لكى يتصل ليس الا...حتى ملت من سماع الرنين فقررت ان تحدثه...وحادثته بكل برود...كى تحافظ على رباطة جأشها ...وكى لا تنهار...فأنهى هو المكالمة قبل ان يبدأها ...والقى بهاتفه جانبا فى السيارة واكمل طريقه ...بينما هى جلست تفكر فيما حدث...

فى اليوم التالى حاول جاهدا ان يصل اليها ولكن تلك السيدة اللعينة تقول له ان هاتفها مغلق...تمنى لو ان تلك السيدة امامه ليقتلها كى تتوقف عن منعه من مهاتفتها ...وكى يزيل هذا الحاجز الذى بينه وبينها ....يشعر

مالزالت تجلس فى نفس المكان...ولكن هذه المرة لا تنتظره...فقد عودها انه لن يأتى فى وقته...جالسه تنظر وتتأمل فى كل من يمر حولها...تبحث عن شىء ما...اصبح من المجهول...رغم ان هدفها معلوم...ولكنها اصرت ان يصبح مجهول...مثل ميعاد قدوم حبيبها المزعوم


posted by safa7_karmooz at 4:44 PM 7 comments

Tuesday, April 1, 2008

ده يبقى ايه..

لما عينيه حلوين فى صورته

امال الحقيقه هتبقى ايه

لما قلبى ينبض بصوره

طب لما اشوفه هيحصل ايه

ولما اسرح معاه بنسى الحياه

حياتى هتبقى معاه ايه

ولما افتكره بلاقى ضحكه

تترسم على شفايفى كانى طفله

ولما اسمع حاجه قالى انه

بيحبها ..بسمعها تانى و تالت ليه

ولما اكتب احساس يبقى عشانه

ده يبقى ليه

ولما اشوف صورتى فى عينيه

و اتمنى اعيش معاه لياليه

وحياتى تبقى فى حضن عينيه

ده يبقى ايه..
posted by catroz at 7:59 PM 10 comments